Mogall Pri Feroz,
Tuvem sompadailolem Vavradeancho Ixtt attach mojea hatan podlo. Poleach panacher Vanxi Capao vixim khobhor vachlim. Vachlea uprant mojhea monak khup dukh bhoglem. Karon tujem potrok vortota Vavreadeancho Ixtt ani tori punn vavreadeacheo kendneo korpi oslem borop tuka dislem ki poilea panacher xapun hanchem mhunn. Don dalal-la lagi uloun je toren sotachea zagear sogleo fotti xapun hadleat vachumn khoreanich monak dukh boglem. Zem tuvem kelam tem borobor noi. Taka potrokarita mhununk favonam punn Bhanvoldarancho, Bhadkarancho ani igorjeacho 'propaganda' mhunok favo.
Mhaka Vanxi je kitem ghodla tem bori khobor asa. Goenchea Archibishop Felipe Neri Ferrao hanem hi zomin viklea hache sarke purave asat. Purave astana nanv vibaddle munpak zaina. Igorjek lokacher oxe toren oteachear korunk kosloch odhikar nha. Tumcho reporter Denzil D'Souza Agostache 8 ver ji meeting Vanxi igorjechea fudeant zalli taka hazir aslo punn to bhielo distalo karon sot boroilear tem khup zanak mharok podtolem mhun. Sot boronk na tem boronk na, punn oxeo ziteo fotti xapun hapod goenchea potrokarank lojek podpachi gozall. He fottingponn xapun haddunk karon kitem?
Zor Capao ponnasa voir lok ravta zalear to zago vibadlolo koso zalo? Zor vibadlolo zago zalaer thuisor ho lok fatlim 300 vorsa kosa ravta? Zor to vibadlolo asa zalear thuim golf course, spa ani 7 star hotel koxem zatolem tor? Boropeak matui ginean na oxem he borop dakon dita. Kul korpi he zomnir kam korun aplem pot bhorpi goenchech lok. Tuvem jem kitem xapun hadlam tem hea soglea lokachi kebadam korta, angan sarki tidok hadta. Hem potrok fokot nava purtem Vavreadeancho Ixtt punn korneanim tem Vavradeancho Dusman and Bhatkaracho Ixtt, Bhanvoldaracho Ixtt, Igorjecho Ixtt. Mhojim khont tuvem kitem poilea panar xapun haddlam tacher nam, fokot tujea potrokachem atam nanv bodol. Ek novem porzollit nanv tuvem zodla - 'Vavreadeancho Dusman - The Workers' enemy!'
Santa Monica sonsvtelagim lagim aslolim zomin 'cannon law' hachea khal koxi vikun khalli? Tivu-i fokot 20 rupea square meterank kiteak vikli? Hea presant thuiche lokak vikunk zainasli zait? Igorjent hi zomin vikchea adim lokak kiteak sanglea nam? Kulkari he lokh Igorjeche dusman? Oxi ek munni asa "Bhailo chor, bhitorlo bhedi". Bichole mamlatdar offisant voron lokacheo forsant soheo geop he borobor nhoi tori mhunn goddlem. Soheo kitem mhunn? Ki tusor-le zomnicher aplo hokk na and thuisor set-ui bhi roina mhunn.
Hanv zanam tum mojem he borop xapun hadchona mhunn. Tori punn maka dista have tuze lagim vinonti korchi ki mojem he borop tuvem tujea fudlea ankant xapun adchem. Jim kitem fotingponam hea ankar xapun eileant tachi zap sogleak kolonk gorjeanchem. Vanxi - cho proxn fokot Vanxi-chea lokachoch nhoi punn to sogle Goenche porjecho. He borop khoreanich goenchea soglea lokan vachun sot jem lipoupachi korni kelea ti noxt korunk ekdom gorjechem.
Tujea potran zori tor kitei proitn sot lipoupache kele tem kennach sofol zaunche na. Sot eka porzolit surya porim; tachea fudeant fotti kednach tikonant. He mat got ugdas dovor. Eka disa tuka mhojea utrancho ugdas zerur itolo. Fotti xapun hadpache sodun di and sotache vater paul mar. Fotiche vater cholun sot lipaupacho proitn korop he ek bhurgeponn. Inglez basen sangchem mollear - you are a mature young man, don't turn journalism into propaganda. Your readers are not donkeys. Or change the name of your weekly from 'Workers' friend to Worker's enemy. Please asses and introspect what you are doing as an editor of V. Ixtt.
Tuzho mogal ixtt,
Seby Rodrigues
No comments:
Post a Comment